அயோத்திதாசப் பண்டிதர், இரட்டைமலை சீனிவாசன் ஆகியோரைத் திராவிடர் கழகம் தவிர்க்கிறதா?

திராவிடர் கழகத்தை, அதன் நன்மதிப்பை, அதன் பிறப்பொக்கும் கோட்பாட்டை, சமூக நீதி சாதனைகளை மறைக்க இன எதிரிகள் தொடர்ந்து முயற்சிக்கின்றனர். அதற்கான அவதூறுகளைத் தொடர்ந்து ஊடகங்கள் வழி பரப்புகின்றனர். இதனால் இளைஞர்கள் மற்றும் சில முற்போக்குச் சிந்தனையாளர்கள் கூட குழப்பம் அடைகிறார்கள். இப்படி எதிரிகள் பரப்பும் பொய்களில் ஒன்றுதான் மேற்கண்ட கேள்வி! எனவே, இதுசார்ந்த சில உண்மைகளைத் தொகுத்துத் தருகிறேன். 1. அயோத்திதாசப் பண்டிதர், இரட்டைமலை சீனிவாசன் ஆகியோரின் கொள்கைகளை, சாதனைகளை, வரலாற்றை எல்லோரும் அறியும்படி நான் எழுதிய நூல் (மறைக்கப்பட்ட மாமனிர்கள்) திராவிடர் கழகத்தால் வெளியிடப்பட்டு, தொடர்ந்து நாடு முழுக்க விற்பனை செய்யப்படுகிறது. 2. இவர்களைப் பற்றி நான் பேசிய உரை பெரியார் வலைத்தளம் மூலம் உலகம் முழுவதும் பரப்பப்படுகிறது. 3. கவிஞர் கலி.பூங்குன்றன் அவர்கள், "மயிலாடன்" என்ற பெயரில், விடுதலையில் "ஒற்றைப்பத்தி” என்ற பகுதியில் நிறைய எழுதியுள்ளார். அவையும் தொகுக்கப்பட்டு நூலாகத் திராவிடர் கழகத்தால் விற்பனை செய்யப்படுகிறது. 4. இரட்டைமலை சீனிவாசன் அவர்களின் நினைவிடம் பராமரிப்பின்றி இருந்ததைப் படம் எடுத்து "உண்மை" இதழில் எழுதி, அரசு அதைச் சீர் செய்ய ஏற்பாடு செய்தது திராவிடர் கழகம். 5. உண்மை, விடுதலையில் இவர்களின் பிறந்த நாள், நினைவு நாள்களில் செய்திகள் வெளியிட்டு அவர்களை மக்களுக்குத் தொடர்ந்து நினைவூட்டி வருகிறது. 6. பெரியார் நூலக வாசகர் வட்டம் சார்பில் இவர்கள் இருவருக்கும் விழாக்கள் எடுத்து, அந்த விழாக்களில் சிறப்புப் பேச்சாளர்கள் மூலம் அவர்களது கொள்கைகளும், பெருமைகளும் பரப்பப்படுகின்றன. ஒரு நிகழ்வில் அய்யா இரட்டைமலை சீனிவாசன் அவர்களின் பேத்தியை அழைத்து வந்து சிறப்பு செய்தது திராவிடர் கழகம். அயோத்திதாசப் பண்டிதர், இரட்டைமலை சீனிவாசன் ஆகியோரின் கொள்கைகள் எப்போதும் பிரச்சாரம் செய்யப்படும். நன்றி! தரவு: மஞ்சை வசந்தன், பெரியார் திடல், சென்னை.

எது கலப்புத் திருமணம்

இன்று காலை ஒரு திருமணத்திற்குச் சென்றிருந்தேன். அய்க்கோர்ட் ஜட்ஜ் கைலாசக் கவுண்டரின் மகளுக்கும் ராஜா சர்முத்தய்யா செட்டியாரின் தங்கை மகனுக்கும் (ப.சிதம்பரம்) நடைப்பெற்ற திருமணம் இதைக் கலப்புத் திருமணம் என்று சொன்னார்கள். என்னைப் பொறுத்தவரை எது கலப்புத் திருமணம் என்றால் மனித ஜாதிக்கும் மிருகத்திற்கும் நடப்பதே கலப்புத் திருமணமாகும்.

ஓரே ஜாதி மனித ஜாதி என்பது மாத்திரமல்லாமல் மணமக்கள் இருவருமே சூத்திர ஜாதி நாலாஞ்சாதியைச் சார்ந்தவர்கள் என்பதோடு நாலாம் சாதி நடுத்தர சாதியாக இருப்பதைப் பற்றிச் சிறிதும் வெட்கப்படாத சாதியைச் சார்ந்தவர்களாவார்கள். நான் தாழ்த்தப்பட்ட பெண்ணிற்கும் பார்ப்பானுக்கும் பார்ப்பனத்திற்கும் தாழ்த்தப்பட்ட ஆணுக்கும் இன்னும் இது போன்று பல சாதி கலப்புள்ள நூற்றுக்கணக்கான திருமணங்களைச் செய்து வைத்திருக்கின்றேன்.

ஜாதி என்பது ஒன்றுதான். இரண்டு பேர்களும் பார்ப்பானுக்கு வைப்பாட்டி பிள்ளைகள் தான். ஜாதியைக் காப்பாற்றத்தான் இருக்கிறேன் என்று சொல்லிக் கொள்ளும் இராஜாஜி கூட தன் மகளைச் சூத்திரரான காந்தியின் மகனுக்குத் தான் திருமணம் செய்து கொடுத்திருக்கின்றார். காங்கிரசினல் காமராஜரும் அவருடைய கம்பெனியும் தவிர மற்றவர்கள் அத்தனை பேரும் இராஜாஜியின் சீடர்கள்தான். இராஜாஜி அவர்கள் நம்மோடு தாழ்த்தப்பட்ட மக்கள் வீட்டில் சாப்பிடுவார் தன்னுடைய மகளைச் சூத்திரனான காந்தியின் மகனுக்குக் கொடுத்திருக்கிறார் என்றாலும் பிள்ளைகளை (பேரன்களை) யெல்லாம் பூணூல் மாட்டிப் பார்ப்பானாக்கி விட்டார்.

தேவதாசி வகுப்பைச் சேர்ந்த எம்.எஸ்.சுப்புலஷ்மியை ஜாதியைக் காப்பதற்கென்றே பத்திரிக்கை நடத்துகின்ற கல்கி பத்திரிகையின் அதிபர் சதாசிவம் என்ற பார்ப்பனர் திருமணம் செய்து கொண்டார். அவருக்குத்தான் இராஜாஜி முன்னோடும் பிள்ளையாக இருக்கிறார்.

இப்படி ஏராளமன பெரிய இடம் என்று சொல்லும்படியான இடங்களிலெல்லாம் நடைபெற்று இருக்கிறது. நாட்டுக்கோட்டை செட்டியார் வகுப்பிலேயே மாறுபட்ட ஜாதியைச் சார்ந்த பலரைத் திருமணம் செய்து வைத்திருக்கின்றேன். அதற்கெல்லாம் இராஜா சர் வந்து பாராட்டி இருக்கின்றார். இராஜா சர் எனக்கு ரொம்பவும் வேண்டியவர். நான் செய்கின்ற காரியங்களை எல்லாம் பாராட்டுபவர். எனது மதிப்பிற்குரியவர். பணத்தில் மட்டுமல்ல உண்மையிலேயே பெரும்தன்மை வாய்ந்த பெரியவர். அவர் அந்த சமுதாயத்தையே திருத்த வேண்டியவராவார். அவர் இத்திருமணத்திற்கு வராததன் மூலம் தனக்கக் கிடைத்தத் நல்ல வாய்ப்பையே இழந்து விட்டார் என்று தான் சொல்லுவேன்.

பார்ப்பானைத் தவிர ஜாதியைப்பற்றி பேசுகின்றவன் அத்தனை பேரும் பார்ப்பானுக்கு வைப்பாட்டி மகனேயாவான். என்னைப் பொறுதத்வரை நான் பறையனாக இருப்பதை கேவலமாகக் கருதவில்லை. சூத்திரனாக இருப்பதைவிட பறையனாக இருப்பதை பெருமையாகக் கருதுகின்றேன். எனக்கு பிள்ளை இல்லை - என்பது பற்றி ரொம்ப சந்தோசப்படுகின்றேன். ஒரு சமயம் பிள்ளையிருந்தால் அதுவும் பெண்ணாக இருந்தால் மாண்புமிகு சத்தியவாணிமுத்து அம்மையார் மகனுக்குக் கொடுத்திருப்பேன் அல்லது சிவராஜ் மகனுக்குக் கொடுத்திருப்பேன். காதல் மணம் வேண்டுமென்கிற நீ இப்படிச் சொல்லலாமா என்று கேட்பீர்கள். காதல் ஏற்பாடு முன்பே சொல்லிவிடுவேன். இதுபோல தாழ்ந்த சாதி பையன்களைப் பார்த்து காதல் செய் என்று சொல்லி விடுவேன். தாழ்த்தப்பட்ட மக்களைப் பற்றி அய்யா அவர்கள் அப்படி கருதி இருப்பாரானால் அவர் முன்னேற்றக் கழகத்திலிருப்பதற்கே லாயக்கற்றவர்தான். அவர்களை பார்த்து பறையர் என்று சொல்லிவிட்டோம். அவர்களிலே வைப்பாட்டி மகன் இல்லை. நம்மில் தான் வைப்பாட்டி மகன் என்பது. தாழ்த்தப்பட்ட பெண் தானாகப் போனால் கூட பார்ப்பான் ஏற்றுக் கொள்ளமாட்டான்.

நாம் ஜாதியை ஒழிக்க வேண்டும். நம் நாட்டில் இரண்டே ஜாதி தான் இருக்கிறது. ஒன்று பார்ப்பான் மற்றொன்று சூத்திரன் இதைத் தான் ஒழிக்க வேண்டும். ஒழியாமல் பாதுகாப்பதற்காகத் தான் பார்ப்பான் செட்டி முதலி நாயக்கர் கவுண்டன் படையாச்சி என்று நமக்குள் பல சாதிகளைப் பிரித்து அதில் ஒன்றுக்கொன்று நம்மை ஒன்று சேரவிடாமல் பிரித்து வைத்திருக்கின்றான்.

நாங்கள் தமிழர்கள். சூத்திரர்கள் அல்லர். இந்துக்கள் அல்ல என்கிற உணர்ச்சி நம் மக்களுக்கு வர வேண்டும். இன்றையதினம் இந்த பேச்சு பேசியதற்கு அம்மையாரிடம் அய்யா மேயர் அவர்களிடமிருக்கிற அன்பைவிட அதிகமான அன்பு கொண்டிருக்கின்றேன். . அம்மையாரும் பெருமைமிகு மேயரும் ஓரே கட்சியைச் சேர்ந்தவர்கள். நமக்குள் இதெல்லாம் இருக்கக்கூடாது.

11-12-1968 அன்று சென்னை - அயன்புரத்தில் தந்தை பெரியார் அவர்கள் ஆற்றிய சொற்பொழிவு. "விடுதலை" 15-12-1968 -"பெரியார் களஞ்சியம்" தொகுதி 18- "ஜாதி-தீண்டாமை" பாகம்- 12 பக்கம் 73-81

- தரவு : கவிஞர் கலி.பூங்குன்றன்
துணைத்தலைவர், திராவிடர் கழகம்.

ஜாதியை உருவாக்கியவர்கள் ஆரியர்களா? வடுகர்களா?

September 09, 2017

நாடாண்ட தமிழ் ஜாதியினரையெல்லாம் அடிமைப்படுத்தி, அவர்களிடையே ஜாதிச் சரக்குகளை மூட்டிவிட்டுத் தீண்டாமை, காணாமை என்னும் கொடிய வழக்கங்களைப் புகுத்தியவர்கள் ஆரியர்கள் அல்லர். வந்தேறிகளாய் ஆள வந்த கன்னட, தெலுங்கு வடுகர்களே! தமிழர்கள் ஜாதியில் கெட்டு வீழவும், தாழ்வு மனப்பான்மையில் தாழவும், உதிரி மயமாகவும் அவர்களே காரணமானவர்கள்.

ஆரியத்தின் புதிய அடியாளாய் ஆர்ப்பறித்து நிற்கும் குணாவின் குற்றச்சாட்டே இது. இதைப் பைத்தியக்காரத்தனம் என்பதா? அயோக்கியத்தனம் என்பதா? மோசடித்தனம் என்பதா? பித்தலாட்டம் என்பதா? அல்லது ஒட்டுமொத்தமாய் அனைத்தும் என்பதா? இப்படி ஓர் உளறல், சதிவேலை வேறு என்ன இருக்க முடியும்?

நான் முன்னமே குறிப்பிட்டதுபோல, இவர் நூல் எழுத வந்த நோக்கமே தமிழர்கள் வீழ்ந்தது எதனால் என்பதை ஆராய அன்று. ஆரியத்தின் பழியைத் துடைத்து, அவர்களுக்கு ஆதரவாய் நின்று, அவர்களின் முதன்மை எதிர்ப்பாளர்களான திராவிடக் கட்சியினரைக் களங்கப்படுத்தி, தமிழர்கள் அவர்களை வெறுக்கும் படிச் செய்து, மாறாக தமிழர்கள் ஆரியத்தை ஏற்கும்படி செய்யும் ஒரு வஞ்சகத் திட்டத்துடனே என்பது இந்தக் குற்றச்சாட்டின் வழி மிகத் தெளிவாக தெரிகிறது!

ஜாதியற்ற தமிழ்ச் சமுதாயத்தில் ஜாதியை உருவாக்கி, தனக்குப் பாதுகாப்பையும், தன் ஆதிக்கத்திற்கு ஒரு உறுதித் தன்மையையும் ஏற்படுத்திக் கொண்டவர்கள் ஆரியர்கள்  என்பதற்கு அடுக்கடுக்காய் ஆதாரங்கள் இருக்கும் நிலையில், அத்தனையையும் அறவே மறைத்து தெலுங்கு வடுகர்களே ஜாதிக்குக் காரணம் என்று ஒரு புது பொய்யைச் சொல்லி, ஆரியத்தை களங்கத்தினின்று மீட்டு, காக்க நினைக்கிறார். இப்படி கூறுகின்றவர் அதற்கான ஆதாரங்களை விளக்கங்களை அளிக்க வேண்டும். அதையெல்லாம் எதையும் தராது இவர் கூறுவதெல்லாம் ஏதோ தெய்வ வாக்கு என்பதுபோல குற்றச்சாட்டுகளையும் செய்திகளையும் கூறிச் செல்கிறார்.

ஆரியப் பார்ப்பனர்கள் தமிழரிடையே இருந்த தொழிற் பிரிவுகளை ஜாதிப் பிரிவுகளாக எப்படி மாற்றினர் என்பதையும், நம்மிடையே இருந்த நன்றி வழிபாட்டை கடவுள் வழிபாடாக எவ்வாறு மாற்றினர் என்பதையும் முன்னர் விளக்கியுள்ளேன். ஆரியர்களே ஜாதியை உருவாக்கியவர்கள், நிலைநிறுத்திப் பாதுகாத்தவர்கள், அதன் பலனையும் அடைந்தவர்கள், அவர்கள் சுயநலத்திற்காகவே அதைச் செய்தார்கள் என்பதை இனிச் சுருக்கமாகக் காண்போம்.

மௌண்ட்யம் ப்ரணாந்தி கோதண்ட - ப்ராஹ்மணானும் விதியதே

இதரேஷாம்து, வர்ணான மதண்ட்; ப்ராணாந்தி கோபவதே - மனுஸ்மிருதி

இதன் பொருள் கொலைத் தொழில் புரிந்த பிற ஜாதிக்காரர்களைத் தூக்கிலிட வேண்டும். ஆனால் பிராமணன் (ஆரியன்) கொலைக் குற்றம் செய்தால் அவனது தலை மயிரை மொட்டையடித்தால் மட்டுமே போதும். அதுவே அவனுக்குரிய தண்டனை.

அதாரரூணாமதனம் வருத்வாயோ ததாதீத தர்த்தீனே

ஸவை போஷண ஜாத்பாத் முக்தே பவதிதந் க்ஷணம்

இதன் பொருள் பிறருக்குக் கொடுக்காத கருமியின் பொருளைக் கொள்ளையிட்டுப் பிராமணனுக்குக் கொடுக்கிறவன், அக்கணமே அத்திருட்டினால் உண்டான பாவத்தினின்றும் விடுதலை அடைகிறான்.

ச்ராந்தஸம் வாஹனம் ரோகி பரிசர்யா சுரார்ச்சனம்

பாதசௌமத்வி ஜோச்சிஷ்ட மார்ஜனம் கோப்ரதானவத்

இதன் பொருள் : களைப்புற்ற பிராமணன் உடலைத் தடவுடல், நோய்வாய்ப்பட்ட பிராமணனுக்குத் தொண்டு செய்தல், பிராமணன் வந்தவுடன் அவனது கால்களை அலம்பி விடுதல், பிராமணன் உண்ட இடத்தைச் சுத்தம் செய்தல், இவைகளைச் செய்கின்றவர்களுக்குப் பெரும் பயன் கிடைக்கும். நாத பரதரம் தர்மோ ந்ருபாணாம் யத்ரணார்கிதம்,

விப்ரோப் யோதீயதே தீரவ்யம் - (யாக்ஜவல்கியர்)

இதன் பொருள் சண்டையில் பகைவர்களைக் கொன்று, அவர்களின் பொருட்களைக் கைப்பற்றி, அவைகளை அரசனானவன் பிராமணனுக்குக் கொடுக்க வேண்டும். இப்படிச் செய்வதற்கு ஒப்பான தர்மம் வேறொன்றும் இல்லை.

நவிஷம் விஷமித்யாஹீட்ர் பரஹ்மஸ்வம் விஷமுச்சயதே;

விஷமேகாகினம் ஹிந்தி ப்ரஹ்மஸ்வம் புத்ர பௌத்ரகம்

இதன் பொருள் விஷமானது அதை உட்கொண்டவனை மட்டுமே கொல்லும் அதைவிட பெரிய விஷம் பிராமணனுடைய பொருள். ஏனென்றால் பிராமணனுடைய பொருளை எவன் ஒருவன் கைப்பற்றுகிறானோ அவனை மட்டுமின்றி அவன் குலத்தையே அது நாசம் செய்து விடும்.

பிராம்மணோ நஹிம் ஸிதவ்ய

இதன் பொருள் பிராமணன் எக்குற்றம் புரிந்தாலும் அவனது உடலை வருத்தக் கூடாது. இவையனைத்தும் ஆரியர்கள் தங்களுக்குச் சாதகமாக எழுதியுள்ள சாஸ்திரங்கள். இச்சாத்திரங்கள் ஆரியர்கள் தாங்கள் பிரித்த ஜாதித் தர்மத்திற்காக எழுதப்பட்டவை. இவற்றை நன்கு கவனித்துப் பாருங்கள். அப்போது புரியும் ஜாதி யாரால் பிரிக்கப்பட்டது; யார் நன்மைக்காகப் பிரிக்கப்பட்டது; இந்தச் சாஸ்திரங்கள் யார் நன்மைக்காக எழுதப்பட்டவை என்பது.

பிராமணன் பொருளை ஒருவன் பறித்தால் அப்பாவம் பறித்தவனை மட்டுமல்ல, பறித்தவன் தலைமுறையையும் பாதிக்கும்; பிறரிடம் பறிக்கப்பட்ட பொருளைப் பிராமணனுக்குக் கொடுத்தால், அதனால் உண்டான பாவம் நீங்கும்; மற்றவர்கள் கொலை செய்தால் கொலைத் தண்டனை. ஆனால், ஆரியர்கள் (பிராமணர்கள்) கொலை செய்தால் அவர்கள் தலைமயிரை நீக்கினால் போதும் என்று ஒரு ஜாதி தர்மம் கூறுகிறான் என்றால், அந்த ஜாதியும், ஜாதித்தர்மமும் யாரால் உருவாக்கப்பட்டது என்பதற்குப் பெரிய ஆய்வு நடத்த வேண்டுமா? தமிழர்களே சிந்தியுங்கள்!

குறுக்குசால் குணா அவர்களே இப்போது சொல்லுங்கள் ஜாதியை உருவாக்கியவர்கள் ஆரியர்களா, அதை வளர்த்தவர்கள் காத்தவர்கள் ஆரியர்களா? அல்லது தெலுங்கு வடுகர்களா? நாங்கள் கூறுவதற்கு, அது சரியென்பதற்குச் சில ஆதாரங்களை மட்டுமே காட்டியுள்ளோம், தேவைப்பட்டால் நூற்றுக்கணக்கான ஆதாரங்களைக் காட்ட முடியும். ஆனால், உங்களுடைய குற்றச்சாட்டுக்கு என்ன ஆதாரம், அறிவு நாணமிருந்தால் காட்ட வேண்டும்.

வேண்டுமானால் அக்கால ஆட்சியாளர்கள், ஆரிய மாயையில் மதிமயங்கி, அவர்களின் பேச்சைக் கேட்டு ஜாதியை வளர்க்க துணைபோய் இருப்பார்களே தவிர ஜாதியை உருவாக்கியவர்கள் ஆட்சியாளர்கள் அல்ல. அதைச் செய்தவர்கள் ஆரியர்கள் மட்டுமே!

அடுத்து, தமிழர்கள் ஜாதியில் கெட்டு வீழவும், தாழ்வு மனப்பான்மையில் தாழவும், உதிரி மயமாகவும் தெலுங்கு வடுகர்களே காரணம், ஆரியர்கள் அல்ல என்ற அபாண்ட புளுகையும் சொல்கிறார் குணா. குணாவைப் பார்த்து நான் கேட்கும் ஒரே கேள்வி மனுஸ்மிருதியை எழுதியவர்கள் ஆரியர்களா? தெலுங்கு வடுகர்களா?

மனுஸ்மிருதி ஆரியர்களால் எழுதப்பட்டது; அவர்களின் நலனுக்காக எழுதப்பட்டது என்பதை மடையன்கூட மறுக்க மாட்டான். அந்த அளவிற்கு அசைக்க முடியாத உண்மை. அந்த மனுஸ்மிருதி கூறும் சில கருத்துக்களைப் பாருங்கள்!

பிராமணன் (ஆரியர்) கூலி கொடுத்தோ, கொடாமலோ சூத்திரனை (தமிழனை) வேலை வாங்கலாம். ஏனெனில் பிராமணனுக்குத் தொண்டு செய்யவே சூத்திரன் (தமிழன்) பிரம்மாவால் படைக்கப்பட்டிருக்கிறான். - (மனு  - அத்தியாயம் - 8 சுலோகம் - 413)

சூத்திரன் (தமிழன்) தேடி வைத்துள்ள செல்வத்தைப் பிராமணன் (ஆரியன்) தடையின்றிக் கைப்பற்றிக் கொள்ளலாம். ஏனெனில் அடிமையாகிய சூத்திரன் எவ்வகையிலும் செல்வத்திற்கு உரியவனாக மாட்டான்.

- (மனு - அத்தியாயம்-  8 சுலோகம் - 417)

பிராமணனைக் காப்பாற்றும் பொருட்டுப் பொய்ச் சொன்னாலும் குற்றமில்லை. பிராமணரல்லாதாரைக் கொன்றாலும் குற்றமில்லை.

- (மனு - அத்தியாயம் - 8 சுலோகம் - 112, 143)

பிராமணனைச் சூத்திரன் திட்டினால் அவனது நாக்கினை அறுக்க வேண்டும். பிராமணனுடைய ஜாதிப் பெயர்களைச் சொல்லித் திட்டும் சூத்திரனது வாயில் காய்ச்சிய இரும்புக் கம்பியை எரிய எரிய செருக வேண்டும்.

- (மனு - அத்தியாயம்-  8 சுலோகம் - 270, 271)

சூத்திரன் ஆரியரை (பிராமணரை) அடித்தால் கையையும், உதைத்தால் காலையும் வெட்டிவிட வேண்டும்.

- (மனு - அத்தியாயம் - 8 சுலோகம் - 280)

இப்படிப்பட்ட ஆரிய மனுநூலையே ஆரியர்கள் உருவாக்க வில்லை என்ற ஒரு அண்டப்புளுகையும் கூறி ஆரியத்தை தூய்மைப்படுத்த துடிக்கிறார் குணா.

மனுஸ்மிருதி யாரால் எழுதப்பட்டது?

ஆரியப் பார்ப்பனர்களை ஆதரிப்பதிலும், தாங்கிப் பிடிப்ப திலும், காப்பாற்றுவதிலும் குணா காட்டும் ஆர்வம், தீவிரம், முனைப்பு இவற்றின் உச்சக்கட்டம், மனுஸ்மிருதி ஆரியர்களால் எழுதப்பட்டதல்ல என்று அவர் கூறும் மோசடி செய்தி. பிராமணிய கொடு நெறிகளைச் சட்ட வடிவமாக்கிய மனுநூல் (மனுஸ்மிருதி) ஆரியர்களால் ஆக்கப்பட்ட நூல் அன்று. அது கி.பி. 5ஆம் நூற்றாண்டு அளவில் சாளுக்கியப் பேரரசனாகிய இரண்டாம் புலிகேசி அவையில் அரங்கேற்றப் பட்ட சட்ட நூல். மானவக்குலம் என்பது சாளுக்கியரையே குறித்தது. மானவத் தருவநூல் எனப்பட்ட மனுநூல் இதனால் சாளுக்கியரென்னும் கன்னடப் பேரரசனால் ஆக்கிய நூலேயாகும். இதுவே மனுஸ்மிருதி பற்றி குணாவின் ஆய்வு அறிக்கை!

இது ஆய்ந்து கூறப்பட்டதல்ல; மாறாக, நுனிப்புல் மேய்ந்து கக்கியது ஆகும்.

பிராமணியக் கொடு நெறிகளைச் சட்ட வடிவமாக்கிய மனுநூல் என்று கூறிவிட்டு, பின் அதை அது ஆரியர்களால் (பிராமணர்களால்) எழுதப்பட்டதல்ல என்றால் இது மோசடி அல்லவா? முரண் அல்லவா? பிராமணர்களுக்காக, அவர் உயர்வுக்கு, நலத்திற்கு, பாதுகாப்பிற்கு எழுதப்பட்ட நூலை வேறு யார் எழுதுவார்கள். இந்த அடிப்படை அறிவுகூட இல்லாமல் பெரிய ஆய்வாளரைப் போல பேனா பிடிப்பது வெட்கக் கேடல்லவா?

ஆனால், டாக்டர் அம்பேத்கர் அவர்கள், மனுநூல், மகத நாட்டில் ஆட்சி புரிந்த புஷ்யமித்திர சுங்கன் என்னும் ஆரிய மன்னன் காலத்தில் முதன்முதலாக மனுஸ்மிருதி சட்டமாக்கப்பட்டது என்கிறார். இந்த புஷ்யமித்ர சுங்கன் பரத்வாஜ் கோத்திரத்தை (குலம்) சேர்ந்தவன். கே. பி.  ஜெய்ஸ்வால் என்னும் ஆய்வாளரும் இவன் புரோகிதக் குடும்பத்தைச் சேர்ந்தவன் என்கிறார்.

இவன் பௌத்த மத எதிரி. இவன் காலத்தில் பௌத்தம் சீரழிக்கப்பட்டது. இவன் பல பௌத்தர்களைக் கொன்றதோடு பௌத்த மடங்களையும் தகர்த்தான்.

திவ்விய வதனம் என்ற பௌத்த நூல் இச்செய்திகளைக் கூறுகிறது.

மேலும், பண்டைய இந்தியாவில் மனு என்ற பெயருக்கு ஒரு மரியாதை (கவுரவம்) இருந்ததால் இதையும் மனு எழுதியதாக ஆரியர்கள் கூறினர். உண்மையில் இந்த ஸ்மிருதி மனு என்பவரால் எழுதப்படவில்லை. அக்கால வழக்கப்படி மனுஸ்மிருதிகள்  -பிரிகு என்ற குடும்பப் பெயரால் குறிக்கப் பட்டிருக்கிறது; ஒவ்வொரு ஸ்மிருதிகளின் இறுதியிலும் பிரிகு என்ற பெயர் சுட்டப்பட்டிருக்கிறது என்பதை அம்பேத்கர் விளக்குகிறார்.

மனுஸ்மிருதியை எழுதிய ஆசிரியர் உண்மையில் சுமதி பார்க்கவா என்பவரே. கி. மு. 4ஆம் நூற்றாண்டில் எழுதப்பட்ட நாரத ஸ்மிருதியை எழுதியவரும் இவரே. மனுஸ்மிருதியின் காலம் கி.மு. 170க்கும் 180க்கும் இடைப்பட்ட காலம் என்பதும் அம்பேத்கரின் முடிவு. - (ஆதாரம் : திருப்பூர் சமூகநீதி பதிப்பகம் வெளியிட்டுள்ள பார்ப்பனீயத்தின் வெற்றி, பக்கம் 12, 13)

சங்க இலக்கியத்திலே மனுநீதிச் சோழன் குறித்த குறிப்புகள் இருக்கின்றன (புறம் 39 5, 6). சிலப்பதிகாரத்திலும் (20:53 55; 29 2), மணிமேகலையிலும் (22:210) மனுநீதிச் சோழன் பற்றிய குறிப்பு உள்ளது.

குலோத்துங்கனுக்கு முந்திய மன்னர்களாகிய இராஜகேசரி இராஜ மகேந்திரனின் பிரசாநிதியில் காணப்படும், தருமநெறி நிற்ப மனுநெறி நடத்திய கோவிராச கேசரி வர்மரான உடையார் ஸ்ரீ இராசமஹேந்திர தேவர் என்கிற வரிகளும், ஆதி இராசேந்திர சோழனின் மெய்க்கீர்த்தியில் உள்ள, மாப்புகழ் மனுவுடன் வளர்த்த கோப்புரகேசரி உடையார் ஸ்ரீ ஆதி இராசேந்திர தேவர் என்ற வரிகளும், வீரராஜேந்திரனின் மெய்க்கீர்த்தியிலுள்ள மனுநெறி விளக்கிய கோராஜகேசரிவர்மரான உடையார் ஸ்ரீ வீரராசேந்திர தேவர் என்கிற வரிகளும் குணாவின் கூற்று முற்றிலும் தவறு என்று எற்றி எறிந்து தள்ளுவதோடு, ஆரியத்தைக் காப்பாற்ற இவர் எடுத்த மோசடியையும் முகத்தில் உமிழ்ந்து நிறுவுகின்றன!

- (ஆதாரம் :மு.ஹ.சூடையமயவேய ளுயளவச.ஊடிடயச 246 K.A.Nilakanta Sastri.Cholar 246 

 து.அ. கோபிராதராவ், சோழ வமிச சாத்திரச் சுருக்கம்  அனுபந்தங்கள்)

தமிழரிடையே வலங்கை  இடங்கை முறையைத் தோற்றுவித்துத் தமிழரைக் கூறுபோட்டவன் குலோத்துங்கன் என்ற குணாவின் கூற்றும் தவறாகும். வலங்கை வேளக்காரப் படைகள் பற்றிய குறிப்பு முதலாம் இராசராசன் காலத்திலேயே கிடைக்கின்றது ((Stein,174).

மேலும், கர்நாடகத்திலும் பலகேய் (வலக்கை), எடகேய் (இடக்கை) என்ற பிரிவும், ஆந்திரத்திலும் காபுலு, பாஞ்சானுலு என்ற பிரிவும் இருக்கின்றன (ளுவந 174, 175). அப்படியாயின் அவர் களிடையே இப்பிரிவுகளைச் செய்தது யார்? எதற்காக இப்பிரிவு செய்தார்கள்? தமிழர்களைக் கூறுபோட இப்பிரிவு உருவாக்கப்பட்டிருக்குமானால், கர்நாடகத்திலும், ஆந்திரத்திலும் இப்பிரிவுகள் எப்படி வந்தன? குழப்பல்வாதி குணா பதில் சொல்ல வேண்டும்!

நாயக்கர் ஆட்சி, பிராமணியத்தை உச்சி முகர்ந்து போற்றியது. பழந்தமிழர்மீது பொல்லாத ஜாதி முறைகளைப் (தீண்டாமை, காணாமை) புகுத்தியது என்று குணாவே கூறுகிறார். இதிலிருந்து என்ன தெரிகிறது? ஜாதியை உருவாக்கிய ஆரியர்கள், ஆட்சியாளர்களை நெருங்கி, அவர்களைத் தங்கள் கைக்குள் வைத்துக்கொண்டு ஜாதிக் கொடுமைகளையும், மனுஸ்மிருதிகளையும் நடைமுறைப்படுத்தினர் என்பதுதானே! எனவே, நடைமுறைப்படுத்திய ஆட்சியாளர்கள் உருவாக்கினர் என்பது உண்மைக்கு எதிரான மோசடிக் கருத்தாகும்!

1971ஆம் ஆண்டு (Babu Rao Patel)  பாபுராவ் பட்டேல் அவர்கள் ஆடிவாநச “Mother India”யை எழுதிய பகுதியைக் கீழே படியுங்கள்.

“The Caste system was the life and soul of Brahminism. It was the most deadly and diabolical weapon of imperialistic domination ever invented by human brain. This weapon was used by the brahminism in the most wicked, ruthless and unpatriotic manner to maintain their power and superiority over others.”

அதாவது, ஜாதி முறையானது பிராமணியத்திற்கு (ஆரியத்திற்கு) உயிரும், உடலும் போன்றது. மக்கள் மேல் தங்கள் வல்லாண்மையை (ஆதிக்கத்தை) நிலைநாட்டிக் கொள்வதற்காக, உருவாக்கப்பட்ட மிகமிக அச்சமானதும், மிகக் கொடியதுமான படைக்கருவியே இச்சாதிமுறையாகும். தங்களது வல்லாண்மையையும், ஜாதி உயர்வையும் நிலைநாட்டிக் கொள்வதற்காகப் பிராமணர்கள் இதை மிகக் கொடுமையாகவும், இரக்கமற்ற முறையிலும், நாட்டுப் பற்றற்ற (தேச விரோத) முறையிலும் பயன்படுத்தி வந்துள்ளனர் என்கிறார்.

மேலும் இவர்,    “Inspite of its innumerable blood stained foot print on the sands of time, Brahaminism born in the midst of history still continues to  diminate and black mail the hindu race. Hindu history is still being puntulted by murder, devasation, destruction and suffering caused by the wicked, subtle and devilish designs of those who misues their birth, wealth and power”  என்கிறார்.

அதாவது, வரலாற்றின் இடையில் தோன்றிய பிராமணியம் (ஆரியம்) காலமெனும் மணல்வெளியில் எண்ணற்ற இரத்தம் தோய்ந்த காலடிகளைப் பதித்த பின்பும் தொடர்ந்து இந்துக்களின் மீது அதிகாரம் செலுத்தி கொள்ளையடித்தே வருகிறது. இரண்டகம் செய்கின்ற நயவஞ்சகர்களான  பேய்க்குணம் படைத்த பிராமணர்கள் (ஆரியர்கள்) தங்களின் பிறப்பு, செல்வம், அதிகாரம் ஆகிய அனைத்தையும் தங்களின் கொடிய திட்டங் களை நிறைவேற்றிக் கொள்ளப் பயன்படுத்திக் கொண்டு வருவதால், இந்துக்களின் வரலாறு இன்றும் தொடர்ந்து கொலை, கொள்ளை, கொடுமை போன்ற தீமைகள் நிறைந்ததாகவே இருந்து வருகின்றது... என்று மனம் நொந்து ஆரியப் பார்ப்பனர்களைப் பற்றி எழுதுகிறார்.

ஜாதி, மதம், தீண்டாமை, உயர்வு தாழ்வு, பலியிடுதல் போன்ற இழிவுகளுக்கு, கொடுமைகளுக்கு எதிராகப் போர்க்குரல் எழுப்பி மனிதநேயச் சிந்தனையைப் பரப்பி, மக்கள் நலச்செயல்களைச் செய்து வந்த புத்த மதத்தினரை ஆயிரக்கணக்கில் கொன்று குவித்துத் தங்கள் ஆதிக்கத்தை நிலைநாட்டியவர்கள் ஆரியர்கள்.

சந்திரகுப்த மௌரியரின் அமைச்சனாக நுழைந்த விஷ்ணு குப்தன் என்னும் கவுடில்லியர் (அர்த்த சாஸ்திரம் எழுதியவர்) என்னும் ஆரிய பிராமணன் புத்தத் துறவிகளையெல்லாம் அழித்தொழிக்க அடித்தளமிட்டான்.

கி.மு. இரண்டாம் நூற்றாண்டில் ஆரியர்களின் உதவியால் ஆட்சிக்கு வந்த புஷ்யமித்திரன் புத்த அமைப்புகளையெல்லாம் கொளுத்தினான். ஆரியர்களின் தூண்டலால் ஆயிரக்கணக்கான புத்தத் துறவிகளைக் கொன்று குவித்தான்.

இவனுக்கு அடுத்து விக்கிரமாதித்தன், கனிசுகன், கூண மரபைச் சேர்ந்த மிதிரகுலான் போன்றவர்களும் ஆரியர்களின் வற்புறுத்தலால் புத்தத் துறவிகளை அழித்தொழிப்பதையே முதன்மைப் பணியாகக் கொண்டு செய்தனர்.

இந்த ஆரியப் பார்ப்பனர்களின் சாதி வெறிக்கும், மனித விரோத செயலுக்கும் ஓர் எடுத்துக்காட்டினால் உங்களுக்கு விளங்கும் என்று எண்ணி அதைக் கீழே குறிப்பிட்டுள்ளேன் படியுங்கள்.

உயிர் வாழ்வதற்கு இன்றியமையாத தண்ணீர், காற்று, உணவு ஆகியவை எங்களுக்கு (ஆரிய பிராமணர்களுக்கு) நன்மை பயப்பனவாகவும், எங்களால் வெறுக்கப்படுகின்றவர்களுக்குத் தீமை செய்வனவாகவும் ஆக வேண்டும். வேத, மிருதிகட்கு இணங்கி நடக்காதவர்களுக்கு இவ்வுலகம் நஞ்சாகப் போகட்டும். (யசூர் வேதம்), தமிழர்களே! இப்போது சொல்லுங்கள். இந்த மனித குலத்தின் எதிரிகள் ஆரியர்களா? மற்றவர்களா? மேலே கூறிய மனு போன்ற ஸ்மிருதிகளை ஏற்று அதன்படி ஆரியர்களுக்கு அடங்கி நடக்காத, மற்றவர்களுக்கெல்லாம் இவ்வுலகு நஞ்சாகப் போக வேண்டும் என்று வேத காலத்திலேயே வேண்டியிருக்கிறான் என்றால், தமிழர்களை எழவொட்டாமல் வீழ்த்தியது யார்? ஜாதியக் கட்டுகளைப் பூட்டி, அடிமைப் படுத்தியது யார்? தெலுங்கு வடுகர்களா? ஆரியப் பார்ப்பனர்களா என்பதை நடுநிலை நின்று தமிழ் மக்கள் சிந்தித்துத் தெளிய வேண்டும். குணா போன்ற ஆரிய அடிவருடிகளை அடையாளங் கண்டு ஒதுக்க வேண்டும்.

உண்மைகள் இப்படியிருக்க, தமிழர்கள் திராவிட மயமாக்கப்பட்டதால்தான், இனப்பற்றும், இனமானமும், இன நலமும் இழந்து சொந்த நாட்டிலேயே ஏதிலி (அகதி)களாக்கப் பட்டுள்ளனர்; சேரி மக்களாக்கப்பட்டுள்ளனர்... என்கிறார் குணா.

இது வெறும் உளறலா? பைத்தியக்கார உளறலா? பட்டிமன்றமே நடத்த வேண்டும்! சேரிகளும், தீண்டாமையும் எத்தனை நூற்றாண்டுகளாய் இருந்து வந்தவை. திராவிடம் என்ற சொல்லாட்சியைத் திராவிடக் கட்சிகள் எடுத்தாண்டது எப்போது என்ற எளிய சிந்தனைகூட இல்லாமல் உளறினால் இவர்களை என்வென்று சொல்வது! ஒரு நூற்றாண்டு காலமாகத்தான் திராவிடர் என்ற சொல்லைத் திராவிட இயக்கங்கள் பயன்படுத்துகின்றன. ஆனால், சேரிப் பிரிவும், சேரி மக்களும் ஆரிய சகதியால் ஆயிரமாயிரம் ஆண்டுகளுக்கு முன்பே அமைக்கப்பட்டவை. அப்படியிருக்க, திராவிடத்தால்தான் சேரி மக்கள் ஒதுக்கப்பட்டனர், ஒடுக்கப்பட்டனர் என்பது உலகமகா உளறல்லவா!

நன்றாகக் கூர்ந்து ஆய்ந்தால், திராவிட இயக்கம் வந்தபின்தான் சேரி மக்கள் நிமிர்ந்தனர். மானம் பெற்றனர். கல்வி பெற்றனர், பதவி பெற்றனர், நல்ல பெயர்கூடப் பெற்றனர். அப்படி யிருக்க, திராவிடத்தால்தான் சேரி மக்கள் உருவாயினர், மானம் இழந்தனர், இனப்பற்று இழந்தனர் என்பது மோசடியின் மொத்த பிதற்றல் அல்லவா

நூல் - ஆரியத்தால் வீழ்ந்தோம்! திராவிடத்தால் எழுந்தோம் 

- ஆசிரியர் - மஞ்சை வசந்தன்