" திராவிட லெனின் " டாக்டர் டி.எம். நாயர்

*  நீதிக் கட்சியைத் தோற்றுவித்தவர்களில் டாக்டர் நடேசனார், சர். பிட்டி தியாகராயருக்குப் பின் மூன்றாவது பெரிய தலைவர் தாரவார்ட் மாதவன் நாயர் ஆவார்.

* கேரளாவின் பாலக்காடு அருகே உள்ள திரூருக்குப் பக்கம் உள்ள தாரவார்ட்டில் சங்கரன் நாயரின் மகனாகப் பிறந்தார்.

* எல்லாப் பாடங்களிலும், எல்லாத் தேர்வுகளிலும் முதலிடத்தில் தேறிய நாயர், சென்னை மருத்துவக் கல்லூரியிலும், பின்பு இங்கிலாந்திலும் மருத்துவம் பயின்று  விறிசிவி என்ற உயர்ந்த பட்டம் பெற்றார். பின்பு பிரான்சிலும் பயின்று  ENT மருத்துவத்தில் பட்டமும், எடின்பரோ பல்கலையில் வி.ஞி.யும் படித்து மருத்துவத்தில் சாதனை படைத்தார்.

* சென்னை திரும்பி  "Anti Septic" என்ற சென்னை ராஜதானியின் முதல் மருத்துவ இதழை நடத்தினார்.  "விணீபீக்ஷீணீs ஷிtணீஸீபீணீக்ஷீபீ" என்ற ஆங்கில நாளேட்டிற்கும் ஆசிரி யராக இருந்தார்.

* பொது வாழ்வில் தீவிர ஈடுபாடு கொண்டு காங்கிரசில் பணியாற்றிய டாக்டர் நாயர் 1904 முதல் 1916 ஆவது ஆண்டு வரை மாநகராட்சி உறுப்பினராகப் பணியாற்றினார். அவர் காலத்தில்   Madras Medical Registration Act எனும் சட்டத்தைக் கொண்டு வந்து மருத்துவத் தொழில் செய்வதை ஒழுங்குபடுத்த வகை செய்தார்.

* ஆறரை அடி உயரமும், கம்பீரத் தோற்றமும் கொண்ட  டாக்டர் நாயரின் பொது வாழ்வில் சந்தேகம் இல்லாமலும், சுயமரியாதையோடும் பணியாற்றினார். 1908ஆம் ஆண்டு சென்னை திருவல்லிக்கேணி பார்த்த சாரதிக் கோவில் குளத்திற்கு வரியில்லாமல் தண்ணீர் விட வேண்டுமென்ற அன்றைய மாநகரத் தந்தை தியாக ராயர் தீர்மானத்தை எதிர்த்த நாயர் அப்படி செய்தால் மிகுந்த வருமான இழப்பும், தவறான முன்னுதாரண மாகவும் ஆகிவிடும் என்றார். சிலர் இதற்காக அவரைக் கடுமையாக விமர்சித்தும், பதவி விலக வேண்டும் என்றும் எழுதியும், பேசியும் வந்ததை அறிந்த டாக்டர் நாயர் நேர்மையாகவும், நாணயமாகவும் பாடுபடுவர் களுக்கு சென்னை மாநகராட்சியில் இடமில்லை என்று கூறி பதவி விலகினார்.

* காங்கிரசில் இருந்த  டாக்டர் நாயர் 1915இல் டில்லி இம்பீரியல் சட்டமன்றத்திற்குத் தேர்ந்தெடுக்க நடந்த தேர்தலில் தோல்வியுற்றதே அவரது பொது வாழ்வில் அவரை நீதிக் கட்சியின் பக்கம் திரும்ப வைத்தது.

* அப்போது  டாக்டர் நடேசன், சர்.பிட்டி தியாகராயர் ஆகியோர் டாக்டர் நாயரைச் சந்தித்து பார்ப்பனரல்லாதார் இயக்கத்தில் சேரவற்புறுத்தி அவரை இயக்கத்தில் சேர்த்தனர்.

* டாக்டர் அன்னிபெசன்ட் பற்றியும், அவரின் நோக்கம் பற்றியும், அவரின் சர்ச்சைக்குரிய நடவடிக்கை பற்றியும் "Madam Besant" 
என்ற நூலை எழுதி Higgin Bothams  நிறுவனத்தால் வெளியிடச் செய்தார். இதனால் கோப முற்ற பெசன்ட் தாக்கல் செய்த வழக்கை எதிர்கொண்டு வெற்றி பெற்றார்.

*  10-11-1917 அன்று மாண்டேகு - செம்ஸ் போர்டு சென்னை வந்து புதிய ஆட்சி அமைப்பது பற்றி பல்வேறு கட்சித் தலைவர்களைச் சந்திக்க வந்த போது  டாக்டர் நாயர், நடேசனார், சர். பிட்டி தியாகராயர் ஆகியோரைச் சந்தித்து Non Brahmin Reservation பற்றிப் பேசினர். ஆனால் அவர்கள் அதைப் பற்றி பெரிதாக அக்கறை காட்டவில்லை. இதன் பின்னணியில் சர்.சி.பி.ராமசாமி அய்யரும்,பெசன்ட் அம்மையாரும்இருந்தார்கள்.

* டாக்டர்  நாயர் இது பற்றி வலியுறுத்த இங்கிலாந்து சென்றார். ஆனால் அவர்  எந்தப் பொதுக் கூட்டத்திலும் லண்டனில் பேசக்கூடாது என்று காங்கிரசாரும், சுயராஜ்யக் கட்சியினரும் நெருக்கடி தந்ததை முறியடித்து வகுப்பு வாரிப் பிரதிநிதித்துவத்தின் அவசியம் பற்றி வலியுறுத்தினார்.

* சுயராஜ்யம் பெறுவதே நம் லட்சியம் என்று காங்கிரஸ்காரர்கள் சொன்னபோது, ஒடுக்கப்பட்ட, பிற்படுத்தப்பட்ட, தாழ்த்தப்பட்ட மக்கள் சரிசமமாக  ஆட்சியில் பங்கு பெற்று சரிசமாக வாழ்வதே உண்மை யான சுயராஜ்ஜியம் என்று தன் கம்பீரக் குரலால் கர்ஜனை புரிந்தவர்  டாக்டர் நாயர்.

* ஒடுக்கப்பட்ட, தாழ்த்தப்பட்ட மக்கள் பங்களிப் பில்லாமல் நீதிக்கட்சி வேரூன்ற முடியாது என்ற நாயர் 7-10-1917இல் சென்னை சேத்துப்பட்டில் நடைபெற்ற தாழ்த்தப்பட்டோர் மாநாட்டில் ஆற்றிய வீர உரையால் சென்னை வாழ் தாழ்த்தப்பட்ட இயக்க நிர்வாகிகள் பெருவாரியாக நீதிக் கட்சியை ஆதரிக்க முன் வந்தனர். "நீதிக்கட்சி வரலாறு" புத்தகத்தில் ஆய்வாளர் 
க.திருநாவுக்கரசு இந்த உரையினை முழுவதுமாகப் பதிவு செய்துள்ளார்.

* 1910இல் அயோத்திதாசர் நாயரின் பணிகளைப் பாராட்டி எழுதியுள்ளார் எம்.சி. ராஜா குறை கூறாத ஒரே நீதிக் கட்சித் தலைவர் நம் நாயரே.
* நீதிக்கட்சி 1920இல் ஆட்சியைப் பிடிப்பதற்கு நாயரின் பணி அடித்தளமிட்டது.

* காங்கிரசிலிருந்து விலகி தீவிரமாக நீதிக் கட்சியை ஆதரித்து வந்ததற்காக  டாக்டர் நாயரை திரு.வி.க. தன் தேசபக்தனில் திட்டித்தீர்த்தார். "தேசிய கவி" பாரதியும் நாயரை சகட்டுமேனிக்கு விமர்சித்து அவரை வகுப்பு வாதி என்றார். இதன் மூலம் நாயரின் இயக்கப்பற்று வெளிப்படும்.

* 1918இல் இங்கிலாந்து நாடாளுமன்றத்தில் தன்னந்தனியாக பார்ப்பனரல்லாதார் சமூக ரீதியிலும், அரசியல் ரீதியாகவும் எவ்வாறு ஒடுக்கப்படுகின்றனர் என்பது பற்றி விரிவாக விளக்கினார்.

* 1919இல் மீண்டும் தன் நியாயமான வகுப்புரிமைக் கொள்கையை வலியுறுத்த லண்டன்  நாடாளுமன்ற கூட்டுக் குழுவில் உரையாற்றச் சென்றார். 18-07-1919 அன்று அவருக்கு பேச வாய்ப்பளிக்கப்பட்டு இருந்தது. ஆனால் அதற்கு முதல் நாள் (17-07-1919)  டாக்டர் நாயர் முடிவெய்தினார்.   நிஷீறீபீமீக்ஷீs நிக்ஷீமீமீஸீ  என்ற இடத்தில் அவர் உடல் தகனம் செய்யப்பட்டது.
* தான் வாழ்ந்த 51 ஆண்டுக் காலத்தில் திருமணம் என்ற எண்ணம்கூட எழாமல் படிப்பு, பொது வாழ்வு என்று திறந்த புத்தகமாய் வாழ்ந்தார் டாக்டர் நாயர்.

* பல்வேறு இதழ்கள், சங்கங்கள், அய்ரோப்பிய தலைவர்கள் அவர் மறைவுக்கு இரங்கல் தெரிவித்தாலும் காங்கிரசின் எந்தப் பிரிவு தலைவர்களும்  டாக்டர் நாயர் மறைவுக்கு இரங்கல் தெரிவிக்கவில்லை என்பதே அவரது கொள்கை உறுதியைப் பறைசாற்றும்.

* டாக்டர்  நாயரின் மறைவுக்குப் பின் அவர் எதிர்பார்த்த நீதிக்கட்சி ஆட்சி அமைந்து பல்வேறு சாதனைகளை சமூகத்திலும், அரசியலிலும் தங்களுக்கு அளிக்கப்பட்ட குறைந்த அதிகாரத்தில் செய்து சாதனை படைத்தது.
வாழ்க டாக்டர் டி.எம். நாயர்.

-விடுதலை,17.7.17
.

இராவண காவியம் படைத்த "புலவர் குழந்தை''

வரலாற்றில் இன்று
    ஜூலை 1
அறிவுலகம் ஒப்புமாறு இராவண காவியம் படைத்த "புலவர் குழந்தை "யின் பிறந்த நாள்.
அவர் பற்றிய சில தகவல்கள்
   _ சு.குமாரதேவன் -
*இராமாயணம் ஒரு கட்டுக்கதை என்று திராவிட இயக்கத்தவர் கூறும் முன்பே பல ஆய்வறிஞர்கள் நன்கு ஆராய்ந்து சொன்னார்கள்.14ம் நூற்றாண்டில் வாழ்ந்த திருவள்ளுவர் என்ற பெயர் கொண்ட புலவர் முதல் நேரு முதல் பல்வேறு தாப்பட்ட அறிஞர்கள் உறுதியாகத் தெரிவித்தார்கள்.
* தீ பரவட்டும், நீதி தேவன் மயக்கம், கம்ப ரசம், ராமாயணப் பாத்திரங்கள், இராமாயணம் நடந்ததா? என்று பல்வேறு நூல்கள் வெளிவந்தாலும், கம்பன் கவிநயம் பற்றியும் கம்பராமா யணம் பற்றியும் புகழ்ந்த நூல்கள் ஏராளம்.
* திராவிட இயக்கத்தவர் காவியச் சுவையறியாதவர்கள், இலக்கிய இன்பம் பற்றி தெரியாதவர்கள் என்று இகழ்ந்தவர்கள் முகத்தில் "இராவண காவியம் " என்ற அரிய நூலைப் படைத்துக் கரி பூசியவர் புலவர் குழந்தை.
* 1906ல் ஓலவலசு என்னும் சிற்றூரில் பிறந்தவர். இயல்பிலேயே கவிபுனையும் ஆற்றல் பெற்ற குழந்தை திராவிட இயக்கத்தில் ஈடுபட்டுப் பணியாற்றியவர்.
* 39 ஆண்டுகள் தமிழாசிரியராகவும், தலைமை ஆசிரியராகவும் பணியாற்றினார்.
* எழுத்தாற்றலுடன் பேச்சாற்றலும் கொண்ட புலவர் 1930ல் ஞானசூரியன் எழுதிய சிவானந்த சரஸ்வதியுடன் பொதுவில் 4 நாட்கள்வாதிட்டு கடவுள் இல்லை என்று  நிலை நாட்டினார்.
* 1946ல் மிகக் குறுகிய காலத்தில் இயற்றிய இராவண காவியம் 5 காண்டங்கள், 57 படலங்கள், 3100 பாடல்கள் கொண்ட அரிய காவியமாகும். தமிழின் சுவையை அறிய வேண்டுமாயின் இராவண காவியம் படித்தால் போதும்.
* பழமைக்குப் பயணச்சீட்டு புதுமைக்கு நுழைவுச் சீட்டு என்று அண்ணா தனது அணிந்துரையில் கூறுவார். கலைஞர் ஆராய்ச்சி முன்னுரை ஒரு சீரிய ஆய்வாளரின் நோக்கில் அமைந்துள்ள ஒன்று.
* இனியொரு கம்பன் வருவானா இப்படியும் கவி தருவானா என்றிருந்தேன். கம்பனே வந்தான் கவிதையும் தந்தான், ஆனால் கருத்து தான் மாறுபட்டது என்று பெரும் புலவர் அய்யம் பெருமாள், இராவண காவியம்பாடிய குழந்தை பற்றி போற்றிப் பாராட்டினார்.
* திருக்குறள், கம்பராமாயணம், பெரிய புராணம், சிலப்பதிகாரம் ஆகிய இலக்கியங்கள் "உலகு" என்று தொடங்குவது போல் இராவண காவியமும் "உலகம் ஊமையா உள்ள அக்காலையே" என்று தொடங்கினார்.
* 1946ல் எழுதிய இராவண காவியம் 1948ல் ஓமந்தூரார் தலைமையிலான காங்கிரஸ் அரசால் தடை செய்யப்பட்டது. 23 ஆண்டுகளுக்குப் பின் கலைஞர்17-05-1971
அன்று தடையை நீக்கினார். பின்பு புலவர் குழந்தையின் நூல்கள் அனைத்தையும் நாட்டுடமையாக்கினார்.
* முதல் முதலில் புரட்சிக் கவிஞரின் "இரணியன் அல்லது இணையற்ற வீரன்" என்ற நூல் தான் அரசினரால் தடை செய்யப்பட்டது. பின்னர் இராவண காவியம், ஆரிய மாயை, காந்தியார் சாந்தி யடைய என்று பல நூல்களும், M.R.ராதாவின் நாடகங்களும் தடை செய்யப்பட்டன.
* கருத்துரிமைக்கு அதிக விலை கொடுத்தது திராவிடர் இயக்கத்தவரே.
* 1948ல் பெரியார் நடத்திய திருக்குறள் மாநாட்டில் கலந்து கொண்டு அரிய ஆய்வுரை நிகழ்த்தியதோடல்லாமல் திருக்குறளுக்கு உரையெழுதினார். திருக்குறள் குழந்தையுரை ஆய்வாளர்களால் பெரிதும் மதிக்கப்படுவதாகும்.
* திருக்குறளும் பரிமேலழகரும் என்ற இவரது ஆய்வு நூல் போல் இன்னொரு ஆய்வு நூல் வருமா என்பது கேள்விக்குறியே.
* இராவண காவியம் தடை நீங்கிய பிறகு பல இடங்களில் இராவண காவிய மாநாடுகள் நடந்தது. அதில் பெரியார், கலைஞர், நாவலர், பேராசிரியர், மணியம்மையார் ஆசிரியர் வீரமணி ஆகியோர் கலந்து கொண்டு புலவரின் புகழ் பரப்பினர்.
* அரசியலரங்கம், யாப்பருங்கலக்காரிகை, உலகப் பெரியோன் கென்னடி என்று 60 நூல்களும் ஆய்வுக் கட்டுரைகளும் எழுதிய புலவர் இறுதி வரை கொள்கையில் சமரசம் செய்து கொள்ளாத திராவிடர் இயக்கப் பெருமகன்.
* சென்னை, திருச்சி . காரைக்குடி, தஞ்சை என்று பல்வேறு ஊர்களில் இராவண காவிய மாநாடுகள், தொடர் சொற்பொழிவுகளை திராவிடர் கழகம் இன்றளவும் நடத்தி புலவர் குழந்தைக்குப் பெருமை சேர்த்து வருகிறது.
வாழ்க புலவர் குழந்தை.
அறிவோம் இராவண காவியம்.

மூவலூர் இராமாமிர்தம் அம்மைய்யார்

தேவதாசி முறை ஒழிப்பில் மூவலூர் இராமாமிர்தம் அம்மையார்!

திருவாரூருக்கு அருகில் பாலூரில் 1883ஆம் ஆண்டு கிருஷ்ணசாமி _ சின்னம்மாளின் மகளாகப் பிறந்தார். கிருஷ்ணசாமி மனவேதனை-யில் வீட்டை விட்டுச் சென்றுவிட, வறுமையில் வாடிய சின்னம்மாள் குழந்தையை (இராமாமிர்தத்தை) 10 ரூபாய் பணத்துக்கும் ஒரு பழைய புடவைக்கும் தாசிலகுல பெண்ணிடம் விற்றுவிட்டார்.

அப்போது இராமாமிர்தத்திற்கு வயது 5.

இவருக்கு 7 வயதானதும் தாசித் தொழிலில் ஈடுபடுத்த சடங்கு செய்தனர். மூவலூரில் உள்ள திண்ணைப் பள்ளியில் படித்தார், கூடவே சுயம்பு பிள்ளையிடம் நாட்டியம் பயின்றார்.

ஆடல்பாடலில் வல்லவரானார். 17 வயதான நிலையில் 60 வயது கிழவர் இவரைத் திருமணம் செய்ய முயன்றபோது, இவர் தன் குருவான சுயம்பு பிள்ளையைத் திருமணம் செய்து-கொண்டார். இவர்களுக்கு சீனிவாசன், செல்லப்பா என்று இரு ஆண் பிள்ளைகளும் ஒரு பெண் பிள்ளையும் பிறந்தன.

இராமாமிர்தம் தொடக்க காலத்தில் தந்தை பெரியாருடன் காங்கிரஸ்காரராகப் பணியாற்றினார். காஞ்சிபுரம் மாநாட்டில் காங்கிரஸைவிட்டு பெரியார் வெளியேறியபோது இவரும் வெளியேறினார். பின் சுயமரியாதை இயக்கப் பணிகளில் தந்தை பெரியாருக்குப் பெருந்துணையாய் இருந்தார். சுயமரியாதை மாநாடுகளுக்கு, தேவதாசிப் பெண்களை அதிகளவில் அழைத்துவந்தார்.

தேவதாசி முறை ஒழிக்கப்பட வேண்டும் என்பது சுயமரியாதை இயக்கத்தின் முக்கியக் கொள்கையாய் இருந்தது. 1944ஆம் ஆண்டு சேலத்தில் நடந்த நீதிக்கட்சி மாநாட்டில் அம்மையார் கலந்துகொண்டார். இந்தி எதிர்ப்பு முதல் சுயமரியாதை இயக்கக் கொள்கைகளைப் பரப்பும் பணியில் தீவிரமாக ஈடுபட்டார்.

முத்துலட்சுமி ரெட்டியின் முன்னோடி:-

தேவதாசி முறை ஒழிப்பில் முத்துலட்சுமி ரெட்டிக்கு மூவலூர் இராமாமிர்தம் அம்மையார் முன்னோடியாவார். காங்கிரஸில் இருக்கும்போதே 1925இல் மாயவரத்தில் (மயிலாடுதுறை) தேவதாசி ஒழிப்பு மாநாடு கூட்டினார். கட்டுரை, கதை போன்றவற்றை எழுதி விழிப்பூட்டினார்.

‘குடிஅரசு’ இதழில் (13.12.1925) “தேவதாசிகளுக்கு ஓர் எச்சரிக்கை’’ என்ற கட்டுரையில் தன் சொந்த அனுபவங்கள் பற்றி எழுதி விழிப்பூட்டினார்.

தந்தை பெரியாரும், மூவலூர் இராமாமிர்தம் அம்மையாரும் ஊட்டிய விழிப்புணர்வின் விளைவாய் டாக்டர் முத்துலட்சுமி அம்மையார் தேவதாசி முறை ஒழிப்பை சட்டபூர்வமாகச் செய்ய முனைந்தார். சட்டசபையில் மசோதா கொண்டுவந்து, சத்தியமூர்த்தி அய்யரின் எதிர்ப்பையும் வென்று சட்டத்தை நிறைவேற்றினார். இதற்கு மூவலூர் அம்மையார் முழு ஒத்துழைப்பையும் தந்தார்.

“தாஸிகள் மோசவலை அல்லது மதிபெற்ற மைனர்’’ என்ற நாவலையும், “தமயந்தி’’ என்ற சிறுகதையும் எழுதினார். இந்தி எதிர்ப்புப் போராட்டத்தில் தீவிரமாகப் பங்கு கொண்டார். 14.11.1938இல் இந்தி எதிர்ப்புப் போராட்டத்தில் பங்கு பெற்றமைக்கு கைது செய்யப்பட்டு சிறை சென்றார்.

எண்பது வயதைக் கடந்த அம்மையாரின் பொதுப்பணி அளவிடற்கரியது. தாய்க்குலத்-திற்கும், தமிழ்மொழிக்கும், சமுதாயப் புரட்சிக்கும், தன்மான இயக்கத்திற்கும் அவர் இறுதிவரை உழைத்தவர் என்ற சிறப்புக்குரிய இப் பெருமாட்டி 27.6.1962ஆம் நாள் மறைந்தார்.

‘அறப்போர் இதழ்’, ‘அம்மா போய்-விட்டார்கள்’ (6.7.1962, பக்கம் 2) என்று அவர் மறைவுச் செய்திக் கட்டுரை வெளியிட்டு, அவருடைய சிறப்புகளை நினைவு கூர்ந்துள்ளது. தமிழக முதல்வர் டாக்டர் கலைஞர் மு.கருணாநிதி அவர்கள், மூவலூர் இராமாமிர்தம் அம்மையார் மறைவுக்கு 27.06.1962ஆம் நாள் ‘முரசொலி’ இதழில் எழுதிய தலையங்கத்தில்,

வீரத்தாயை இழந்தோம்

பால் நுரைபோல் தலை

தும்பை மலர் போல் உடை!

கம்பீர நடை!

கனல் தெறிக்கும் பேச்சு!

அனல் பறக்கும் வாதத்திறன்!

அநீதியைச் சுட்டெரிக்க சுழலுகின்ற கண்கள்!

அடிமை விலங்கு தகர்த்தெறிய ஆர்ப்பரிக்கும் உள்ளம்!

ஓயாத பணி! ஒழியாத அலைச்சல்!

என்று பாராட்டினார்.

-உண்மை,16-30.6.17

கேரள மாநிலம் கோழிக்கோட்டில் பகுத்தறிவாளர் இயக்கத்தின் நூற்றாண்டு விழா!

சகோதரத்துவ மாநாட்டை தமிழர் தலைவர் தொடங்கி வைத்த மாண்பு!

- ஒரு பயணத் தொகுப்பு -

நேற்றையத் தொடர்ச்சி....

சகோதரத்துவ மாநாட்டினைத்

தமிழர் தலைவர் தொடங்கி வைத்தார்

கேரள யுக்திவாதி சங்கத்தின் புரவலர் யு. கலாநாதன் ஆற்றிய முகவுரையினை அடுத்து தமிழர் தலைவர் சகோத ரத்துவ மாநாட்டினை தொடங்கி வைத்து நீண்டதோர் ஆய் வுரையினை வழங்கினார். ஜாதி முறை ஒழிப்பு  பெரியார் இயக்கத்தின் பங்களிப்புகள் (கிதீஷீறீவீtவீஷீஸீ ஷீயீ சிணீstமீ ஷிஹ்stமீனீ – சிஷீஸீtக்ஷீவீதீutவீஷீஸீs ஷீயீ றிமீக்ஷீவீஹ்ணீக்ஷீ விஷீஸ்மீனீமீஸீt) எனும் தலைப்பில் ஆங்கிலத்தில் தமிழர் தலைவர் உரையாற்றினார்.

“பகுத்தறிவாளர் அமைப்புகள் வெறும் கருத்தியல் அமைப்புகளாக மட்டுமல்லாமல், களப்பணி ஆற்றி சமூகத் தில் நிலவிடும் ஏற்றத் தாழ்வுகளை நீக்கிடப் போராடும் அமைப்புகளாக செயல்பட வேண்டும்.  இதற்கு எடுத்துக் காட்டாக, தந்தை பெரியார் மற்றும் சகோதரன் அய்யப்பன் நடத்திய பகுத்தறிவாளர் அமைப்புகளை பின்பற்றலாம்.  தந்தை பெரியாரும், சகோதரன் அய்யப்பனும் ஜாதியின் அடிப்படையில், பிறப்பின் அடிப்படையில் பாகுபாட்டை ஏற்படுத்திய மேல் ஜாதியினரான பார்ப்பனர்களை எதிர்த்து அவர்களின் தாக்கத்தினை தகர்த்துப் போராடிட இயக்கம் கண்டனர். ஜாதி ஒழிப்பு எனச் செயல்படும் பொழுது, ஜாதி வருண முறையினை ஏற்படுத்தி அதனைப் பிரகடனப்படுத் திய கடவுளையும் எதிர்க்க முற்பட்டனர். கடவுளை மறுக் காத ஜாதி ஒழிப்பு நடவடிக்கைகளால் நிலைத்த, நீடித்த பயன் விளையப் போவதில்லை. இதனை லட்சியமாகக் கொண்டு தந்தை பெரியாரும் சகோதரன் அய்யப்பனும் சென்ற நூற்றாண்டின் தொடக்கத்தில்  ஒரே காலக் கட்டத்தில் இணைந்து சமுதாயப் பணியாற்றிய புரட்சியாளர்கள் ஆவர்.

வைக்கம் போராட்டம்

கோயில் நுழைவுக்கான உரிமை எனும் மத உரிமை யினைத் தாண்டி, கோயிலைச் சுற்றியுள்ள தெருக்களில் நடந்து செல்லும் மனித உரிமை மறுக்கப்பட்ட, சமூகத்தின் அடித்தள மக்களிடம் காட்டப்பட்ட பாகுபாட்டை ஒழித்திட 1924ஆம் ஆண்டில் கேரள மண்ணில் வைக்கத்தில் போராட்டம் தொடங்கப்பட்டது.  போராட்டத்தில் ஈடுபட்ட தலைவர்களை அன்றைய சமஸ்தான நிருவாகம் கைது செய்து சிறையில் அடைத்த வேளையில், போராட்டத்தில் தொய்வு ஏற்பட்டு,  அன்றைய சென்னை மாகாணத்திலிருந்து தமிழ் நாடு காங்கிரசு கமிட்டியின் தலைவராக இருந்த தந்தை பெரியார், போராட்டத்தினை தொடர்ந்து நடத்திட அழைக்கப்பட்டார்.  போராட்டத்தினை நடத்திய தந்தை பெரியார் கைது செய்யப்பட்டு சிறையில் அடைக்கப்பட்டார்.  ஒரு மாதத்திற்குப் பின் விடுதலை ஆனபின்பும் தொடர்ந்து போராட்டத்தினை நடத்தியதால் மீண்டும் சிறையில் அடைக்கப்பட்டார். தந்தை பெரியாரது முழுமையான ஈடுபாட்டால் வைக்கம் போராட்டம் வெற்றி பெற்று கோயில் தெருக்களை அனைத்து ஜாதி மக்களும் பாகுபாடு ஏதுமின்றி பயன்படுத்திடலாம் என சமஸ்தான நிருவாகம் அறிவித்தது. வெற்றிகரமாக போராட்டத்தினை நடத்திய தந்தை பெரியார் வைக்கம் வீரர் எனப் பாராட்டப்பட்டார். வைக்கத்தில் நடைபெற்ற இந்த மனித உரிமைக்கான போராட்டம் இந்தியாவின் சமூக நீதிக்கான முதல் போராட் டமாக அமைந்து பின்னர் நடைபெற்ற பல்வேறு சமூகப் பாகுபாட்டு எதிர்ப்புப் போராட்டங்களுக்கு உந்து தலாக விளங்கியது.

சேரன் மாதேவி குருகுலப் போராட்டம்

இதே காலக் கட்டத்தில் தமிழ்நாட்டின் தென்பகுதியில் சேரன்மாதேவியில் நடத்தப்பட்ட குருகுலத்தில் பார்ப்பன மாணவர்களுக்கும் பார்ப்பனர் அல்லாத மாணவர்களுக்கும் உணவு வகையிலும், உணவு பரிமாறப்படுவதிலும், பயிற்று விக்கப்படும் பாடத்திட்ட முறையிலும் பாகுபாடு காட்டப் பட்டது.  தமிழ்நாடு காங்கிரசு கட்சியின் நிதி உதவியில் நடைபெற்ற குருகுலத்தில் மாணவர்களிடையே காட்டப் பட்ட பாகுபாட்டினை நீக்கிட வலியுறுத்தப்பட்டது.  பாகு பாடு களையப்படாத நிலையில் காங்கிரசு கட்சியின் தலை வராக இருந்த தந்தை பெரியார் குருகுலத்திற்கு அளிக்கப் பட்டு வந்த நிதி உதவியினை நிறுத்தி விட்டார். குருகுலத்தில் கடைப் பிடிக்கப்பட்ட பாகுபாட்டை எதிர்த்து காங்கிரசு கட்சிக்குள்ளேயே நடைபெற்ற போராட்டத்தில் தந்தை பெரியார் காட்டிய உறுதிப்பாடு தீண்டாமை ஒழிப்பிற்கு அளப்பரிய பங்கினை அளித்தது.

அரசியலமைப்புச் சட்ட எரிப்பு

பின்னர் நாடு விடுதலை அடைந்து, அரசியலமைப்புச் சட்டம் நடைமுறைக்கு வந்த நிலையில்  அதன் விதிமுறை களும் ஜாதிமுறைக்கு பாதுகாப்பு தரும் வகையில் இருந் ததை எதிர்த்து 1957  ஆம் ஆண்டில் ஜாதி ஒழிப்புப் போர் எனும் அரசியலமைப்புச் சட்ட எரிப்புப் போரை நடத்தினார். பல்லாயிரக்கணக்கான தோழர்கள் சிறையில் அடைக்கப்பட் டனர். சட்ட எரிப்பிற்காக  மூன்று மாதம் முதல் மூன்றாண் டுகள் வரை என் தண்டனை அளிக்கபட்டதிலும் பாகுபாடு காட்டப்பட்டது. ஜாதி ஒழிப்புப் போராட்டத்தில், தந்தை பெரியார் நடத்திய அரசியலமைப்புச் சட்ட எரிப்பு முக்கியப் பங்கு வகித்தது.

ஜாதி முறை, தீண்டாமைக் கடைப்பிடிப்பு ஆகியவற் றிற்கு பாதுகாப்பு அரணாக இருப்பது மதம், கடவுள் நம் பிக்கை என பகுத்தறிந்து இறுதியில் கடவுள் மறுப்பினை நடைமுறைத் திட்டமாக தந்தை பெரியார் அறிவித்தார்.  கேரளாவிலும் கடவுளை மறுத்து பகுத்தறிவின் அடிப்படை யில் தீண்டாமை ஒழிப்புப் போரை சகோதரன் அய்யப்பன் நடத்தினார்.

பிறப்பின் அடிப்படையில், ஜாதி  ஜாதியின் அடிப்படை யில் ஏற்றத் தாழ்வு - பரம்பரைத் தொழில் கடைப்பிடிப்பு என பாகுபாடு நிறைந்த சமூகத்தில், அந்தப் பாகுபாட்டிற்கு பரிகாரம் கண்டு சமூகநீதி நிலை நாட்டப்பட வேண்டும். ‘முள்ளை முள்ளால் எடுக்க வேண்டும்’ எனும் முதுமொழிக்கு ஏற்ப ஜாதியின் அடிப்படையில் ஏற்படுத்தப் பட்ட பாகு பாட்டிற்கு ஜாதி அடிப்படையில்தான் பரிகாரம் காணப்பட வேண்டும். அந்தப் பரிகார நடவடிக்கை வழி முறைதான் இடஒதுக்கீடு கல்வி கற்பதில் வேலைவாய்ப்பினை பெறு வதில் ஒடுக்கப்பட்ட மக்களுக்கு இட ஒதுக்கீடு என்பது அரசியலமைப்புச் சட்டம் வழங்கியுள்ள உரிமையாகும். இந்த உரிமைக்கு நாடு விடுதலை அடைவதற்கு முன்பே பாடுபட்டு வந்த இயக்கம் திராவிடர் இயக்கம்  அதன் முதல் அரசியல் கட்சியான நீதிக்கட்சி என அழைக்கப்பட்ட தென்னிந்திய நல உரிமைச் சங்கம் ஆகும். 1928  ஆம் ஆண்டு வகுப்புரிமை அரசாணை(Communal G.O.)  சென்னை மாகாணத்தில் நீதிக் கட்சியின் ஆட்சியில் நடை முறைக்கு வந்தது. பின்னர் படிப்படியாக இட ஒதுக்கீட்டின் முறை, ஒடுக்கப்பட்ட மக்கள் தொகை விகிதத்திற்கு ஏற்ற வாறு வகுப்புவாரி பிரதிநிதித்துவம் (Communal Representation) என தொடர்ந்து குரல் எழுப்பி, போராட்டம் நடத்தி வகுப்புரிமையினை தந்தை பெரியார் பெற்றுத் தந்தார்.

நாடு விடுதலை அடைந்த நிலையில் வகுப்புரிமை ஆணை செல்லாது என உயர்நீதிமன்றமும், உச்சநீதிமன்ற மும் தீர்ப்புகள் வழங்கிய நிலையில், தந்தை பெரியார் ஒடுக்கப்பட்ட மக்களைத் திரட்டி போராட்டம் கண்டார்.  இதன் விளைவாக அரசியலமைப்புச் சட்டம் முதன் முத லாக 1951 ஆம் ஆண்டில் திருத்தப்பட்டது. நாடு தழுவிய அளவில் வகுப்புரிமையிலான இடஒதுக்கீடு கல்வி கற்பதில் நடைமுறைக்கு வந்தது. பின்னர் திராவிடர் இயக்க ஆட்சியில் இட ஒதுக்கீடு விழுக்காடு படிப்படியாக உயர்ந்து தற்பொழுது மொத்த இடஒதுக்கீடு அளவு 69 விழுக்காடு என நாட்டிலேயே அதிக அளவில், உரிய அளவிற்கு நெருங்கிய அளவில் உள்ளது. இந்த 69 விழுக்காடு ஒதுக்கீட்டை பாதுகாத்திட, நீதிமன்ற நடவடிக்கைகளிலிருந்து விலக்கு அளித்திட இடஒதுக்கீட்டிற்காக நாட்டிலேயே முதன்முறையாக ஒரு தனிச்சட்டம் தமிழ்நாட்டில் உருவாக் கப்பட்டு அரசியலமைப்புச் சட்டத்தின் 76 ஆம் திருத்தத்தின் மூலம் ஒன்பதாவது அட்டவணையில் சேர்க்கப்பட்டது. இதற்கு சட்ட ரீதியான, சமூக நீதி சார்ந்த ஆலோசனைகளை வழங்கி உரிய வகையில் நடைமுறைக்கு வந்திட தந்தை பெரியார் நிறுவிய திராவிடர் கழகம் முக்கிய காரணமாக இருந்தது.

ஓரளவிற்கு சமூகப் பாகுபாட்டை களைந்திட இட ஒதுக்கீடு சட்டரீதியான விதிமுறைகள் உருவாக்கப்பட் டாலும், நடைமுறையில் சட்ட ரீதியான அளவு இன்றும் எட்டப்படவில்லை என்பதுதான் உண்மை நிலை. இந்த நிலையினை மாற்றிட சமூக நீதிக்குப் பாடுபடும் அமைப்பு கள், பகுத்தறிவாளர் இயக்கங்கள் முன் வரவேண் டும்; முழுமையாக ஈடுபட வேண்டும்; களம் கண்டு போராட வேண்டும். சமூக ஏற்றத் தாழ்வினைக் களைந்திட நூறாண் டுகளுக்கு முன்பு தந்தைப் பெரியாரும் சகோதரன் அய்யப் பனும் தொடங்கி வைத்த பணிகளை இன்றைய பகுத்தறி வாளர் அமைப்புகள் தொடர்ந்து நடத்திட வேண்டும். மனித உரிமைகளான இட ஒதுக்கீட்டு உரிமைகள் முழுமையாக கிடைக்கும் நிலையில்தான் சமூகத்தில் சமன்மை நிலை உருவாகும்.  அந்த நிலையினை ஏற்படுத்திட பகுத்தறிவாளர் இயக்க நூற்றாண்டு விழாவில் நாம் அனைவரும் உறுதி எடுத்து செயல்படுவதே அவர்தம் புரட்சிப் பணிகளுக்காகப் பாடுபட்ட தந்தை பெரியாருக்கும், சகோதரன் அய்யப்ப னுக்கும் நாம் செலுத்தும் வீரவணக்கம் ஆகும்.

- இவ்வாறு தமிழர் தலைவரின் மாநாட்டு தொடக்க வுரையின் திரட்டு அமைந்தது.

தமிழர் தலைவரின் முழு உரை அடங்கிய ஆங்கிலப் புத்தகங்கள் மேடையில் இருந்தோருக்கும், பார்வையாளர்க ளுக்கும் வழங்கப்பட்டது.

நூற்றாண்டு சிறப்பு மலர் வெளியீடு

பகுத்தறிவாளர் இயக்க நூற்றாண்டு விழாவின் ‘100’ சிறப்பு மலரை தமிழர் தலைவர் அனைவரது கரவொலிக் கிடையே வெளியிட்டார். சிறப்பு மலரின் முதல் நகலினை தோழர் எம்.பாலகிருஷ்ணன் பெற்றுக் கொண்டார்.

நூற்றாண்டு விழா கண்காட்சி

பகுத்தறிவாளர் இயக்கத்தின் நூற்றாண்டு விழாவினை யொட்டி, விழா நடைபெற்ற கோழிக்கோடு நகர் மன்ற அரங்கினைச் சுற்றியுள்ள நடை பாதையில் ஓவியம், ஒளிப் படக் கண்காட்சி அமைக்கப்பட்டிருந்தது; வெகு சிறப்பாக, ஆவணப் பதிவாக இருந்தது.

கண்காட்சியில் கடந்த ஒரு நூற்றாண்டில் நடைபெற்ற சமூகப் புரட்சி நடவடிக்கைகளான, வைக்கம் போராட்டம், சமன்மை விருந்து, கோயில் நுழைவுப் போராட்டம், மார்பக வரி மறுப்புப் போராட்டம் என பல்வேறு எழுச்சிப் போராட் டங்கள் பற்றிய ஒளிப் படங்கள், ஓவியங்கள் பலவும் இடம் பெற்று, பார்வையாளர்கள், பொது மக்கள் கவனத்தை ஈர்த்தன.

மார்பக வரி மறுப்புப் போராட்டம்

ஒடுக்கப்பட்ட சமுதாயப்  பெண்களிடம் விதிக்கப்பட்ட மார்பக வரி  (Breast Tax) மறுப்பு அன்றைய திருவிதாங்கூர் சமஸ்தானத்தில் நடைபெற்ற ஒரு மகத்தான சமூக நீதிப் போராட்டமாகும்.  அந்நாளில் வரிவிதிப்பின் மூலம் கருவூல வருவாயைப் பெருக்கும் நடவடிக்கைகள் மேற்கொள்ளப் பட்டன. சொத்து உள்ள மேல் தட்டு மக்களிடம் சொத்து வரி வசூலிக்கப்பட்டது. ஒடுக்கப்பட்ட மக்களிடம் வரி விதிப்பிற்கான வழி முறைகள் ஏதும் இல்லாத நிலையில்  ஒடுக்கப்பட்ட மக்களில் குறிப்பாக பெண்களுக்கு மார்பக வரி விதிக்கப்பட்டது. பெண்களின் கண்ணியத்தை சீர் குலைக்கும் வகையில் அன்றைய சமஸ்தான நிருவாகம் முலைவரி எனும் மார்பக வரி விதிப்பினை  கடுமையாக நடைமுறைப் படுத்தியது. ஒருவரது சொத்து அளவிற்கு ஏற்றவாறு வரி விதிப்பு அளவு வேறுபடுவது போல, ஒடுக்கப்பட்ட பெண்களின் மார்பக அளவிற்கு ஏற்றவாறு மார்பக வரி விதிக்கப்பட்டது. வரி விதிப்பு அதிகாரிகள் மார்பக அளவினை பார்த்து  மிகவும் கொடுமையான முறையில் தொட்டுப் பார்த்து மார்பக அளவினை கணக் கிட்டு வரி விதிப்பு மேற்கொள்ளப்பட்டது. நினைத்துப் பார்த்திடவே மனம் கொதிக்கும். இந்த மார்பக வரி விதிப்பு நடவடிக்கைகள் பற்றிய எதிர்ப்பு ஒடுக்கப்பட்ட மக்களி டையே நிலவி வந்தது. இந்த எதிர்ப்பின் வெளிப் பாடாக, நாஞ்செள்ளி எனும் ஒடுக்கப்பட்ட சமுதாயப் பெண்மணி தனது எதிர்ப்பினை நெஞ்சம் பதை பதைக்கின்ற வகையில் தெரிவித்தார். “மார்பகம் இருப்பதால்தானே வரி விதிக் கிறீர்கள்! மார்பகத்தை எடுத்து விட்டால் எப்படி வரி விதிப்பீர்கள்?” என எதிர்ப்புக் குரல் எழுப்பி தனது மார்ப கத்தை கத்தியின் மூலம் தானே அறுத்து எடுத்தார்; தன் உயிரையும் மாய்த்துக் கொண்டார். ஒடுக்கப்பட்ட மக்களி டையே ஒரு மாபெரும் எதிர்ப்பு எழுச்சி வெடித்தது. சமஸ் தான நிருவாகம் எதிர்ப்பினை, மக்கள் எழுச்சியினை எதிர்கொள்ள முடியாமல், மார்பக வரி விதிப்பை நீக்கியது.  இந்த மார்பக வரி விதிப்பு எதிர்ப்பினை வெளிப்படுத்தும் ஓவியங்கள் பல கண்காட்சியில் இடம் பெற்றன; அந்த ஓவியங்கள் பார்த்த பார்வையாளர்களைக் கண் கலங்கிட வைத்தது.  ஒடுக்கப்பட்ட மக்கள் இன்றுள்ள நிலையிலிருந்து பின்னோக்கி எப்படிப்பட்ட கொடுமையான வாழ்க்கை யினை நடத்தினார்கள் என்பதனை  அழுத்தமாக காட்டும் வகையில் நூற்றாண்டு கண்காட்சி அமைந்திருந்தது.

திராவிடர் கழக (இயக்க)

வெளியீடுகளுக்கு வரவேற்பு

சகோதரத்துவ மாநாடு நடைபெற்ற மூன்றாம் நாளில் திராவிடர் கழக (இயக்க) வெளியீடுகள் விற்பனைக்காக விழா நடைபெற்ற நகர் மன்ற வளாகத்தில் ஏற்பாடு செய்யப் பட்டிருந்தது. பகுத்தறிவு, சமூகநீதி, இடஒதுக்கீடு, தந்தை பெரியார்தம் உரை  எழுத்து தொகுப்புகள், ஆசிரியர் கி. வீரமணி எழுதிய நூல்கள்  (பெரும்பாலும் ஆங்கில நூல் கள்) புத்தக அரங்கில் நிறைந்திருந்தன. மாநாட்டில் பங்கேற்ற பேராசிரியர்கள், பார்வையாளர்கள் பலர் புத்தக அரங்கி னைப் பார்வையிட்டு திராவிடர் கழக (இயக்க) வெளியீடு களைக் காசு கொடுத்து வாங்கிச் சென்றனர். கணிசமான அளவில் புத்தகங்கள் விற்பனையானது பகுத்தறிவாளர் மற்றும் பொதுமக்களின் வாசிப்பு வழக்கத்தினையும், இயக்க வெளியீடுகளில் உள்ள கருத்துச் செறிவையும் வெளிப்படுத் துவதாக இருந்தது.

மாநாட்டை தொடங்கி வைத்து உரையாற்றி அமர்ந்த தமிழர் தலைவருடன் மாநாடு ஏற்பாட்டு தலைவரும், பொது வுடைமைக் கட்சியின் தலைவரும்  மாநில மேனாள் அமைச்சருமான பினாய் விஸ்வம், விரிவாக உரையாடிக் கொண்டிருந்தார். சமூக நீதியை முன்னிறுத்திய செயல்பாடு கள் அதிகரிக்கப்பட வேண்டும் என தெரிவித்தார். தமிழக பொதுவுடைமைக் கட்சியின் தலைவர் தோழர் இரா. நல்லக் கண்ணு உட்பட பல தோழர்களுடன் அவருக்கு உள்ள தொடர்பினை தமிழர் தலைவரிடம் பகிர்ந்து கொண்டார். பின்னர் விழா அரங்கத்திலிருந்த அனைவரிடமும் நன்றி தெரிவித்து தமிழர் தலைவர் விடைபெற்றார்.

விடுதியில் வந்து நண்பகல் உணவு அருந்திவிட்டு, அறையில் ஓய்வு எடுத்த பின்னர், மாலையில் மாநாடு ஏற்பாட்டாளர்கள் தமிழர் தலைவரைச் சந்தித்து நன்றி கூறினர். இரவு 8.00 மணிக்கு கிளம்பிடும் சென்னை விரைவு ரயிலில் சென்னைக்கு கிளம்பிட தோழர்களுடன் சற்று நேரம் முன்னரே தமிழர் தலைவர் ரயில் நிலையத்திற்கு வந்துவிட்டார். பயணிகள் காத்திருப்பு அறையில் தமிழர் தலைவர் அமர்ந்திருந்த பொழுது, அவரை அடையாளம் அறிந்து, தோழர்களிடம் உறுதி செய்து கொண்டு வெளி மாநிலத் தமிழ்க் குடும்பத்தினர், பகுத்தறிவாளர் எனப் பலரும் தமிழர் தலைவரிடம் வந்து நலம் விசாரித்து, உரை யாடி ஒளிப்படம் எடுத்துக் கொண்டனர். சிறார்கள் பலரும் தமிழர் தலைவரிடம் நெருக்கமாக இருந்து ஒளிப் படம் எடுத்துக் கொண்டது நெகிழ்ச்சியாக இருந்தது.

மங்களூரிலிருந்து சரியான நேரத்தில் கோழிக்கோடு வந்தடைந்த ரயிலில் ஏறி, ரயில் புறப்பட்ட உடனே தமிழர் தலைவர் பாராட்டு அறிக்கை எழுத ஆரம்பித்துவிட்டார். ஆம்; திருச்சியில் மே  27 ஆம் நாள் நடைபெற்ற திராவிடர் கழக மகளிர் மாநாடு ஏற்பாட்டு மாண்பு, நடத்தப்பட்ட விதம், மாநாட்டு வெற்றிக்கு உழைத்திட்ட மகளிர் அணி, மகளிர் பாசறைப் பொறுப்பாளர்கள் மற்றும் தோழர்களைப் பாராட்டி அறிக்கையினை எழுதி முடித்தார். இரவு உண வினை பயணத்தின் பொழுது அருந்தி விட்டு, நீண்ட நேரம் உரையாடிவிட்டு உறங்கச் சென்றரார். அடுத்தநாள் காலை 8.00 மணிக்கு சென்னைசென்ட்ரல் நிலையத்திற்கு ரயில் வந்தடைந்தது.

தஞ்சையில் பயிற்சி முகாம், திருமண நிகழ்வு, திருச்சியில் மகளிர் மாநாடு, விழுப்புரத்தில் பயிற்சி முகாம் என இடைவிடாமல் நிகழ்வுகளில் பங்கேற்று, தொடர்ந்து கேரளா  - கோழிக்கோடு பகுத்தறிவாளர் இயக்க நூற்றாண்டு விழா வில் பங்கேற்று சென்னை திரும்பி, வீடு சென்று பெரியார் திடலுக்கு வந்து வழமையான பணிகளில் தமிழர் தலைவர் ஈடுபட்டார். ஓய்வறியா தந்தை பெரியாரின் கொள்கை வழித் தோன்றலான தமிழர் தலைவர் பயணச் செறிவிலும், கொள்கைப் பரப்புரைப் பணியிலும் பகுத்தறிவுப் பகலவ னின் மறுபதிப்பாகவே இருக்கிறார். 1924  ஆம் ஆண்டு தந்தை பெரியார் கேரள மண்ணில் நடத்திய சமூகப் புரட்சித் தாக்கத் தினை ஏற்படுத்திய நிகழ்வுகளை கேரள மக்களிடம் நினைவு கூர்ந்து, அவை தொடர்பான புரட்சிப் பணிகளை வலியுறுத்திய தமிழர் தலைவரின் கோழிக்கோடு பயணம் ஒரு வரலாற்றுப் பதிவாக சிறப்புக்குரியதாக அமைந்துவிட்டது.

(Communal G.O.)

விடுதலை,25.6.17